ปุจฺฉา – กํ อาวุโส อารพฺภ กิสฺมิํ วตฺถุสฺมิํ ปญฺญตฺตํฯ
วิสฺสชฺชนา – อายสฺมนฺตํ ภนฺเต อุปนนฺทํ สกฺยปุตฺตํ อารพฺภ ปญฺญตฺตํ, อายสฺมา ภนฺเต อุปนนฺโท สกฺยปุตฺโต อุปาสเกน อชฺชณฺโห ภนฺเต อาคเมหีติ วุจฺจมาโน นาคเมสิ, ตสฺมิํ ภนฺเต วตฺถุสฺมิํ ปญฺญตฺตํฯ
2. โกสิยวคฺค, 1. โกสิย สิกฺขาปุจฺฉา
ปุจฺฉา – โกสิยมิสฺสกํ อาวุโส สนฺถกํ การาเปนฺตสฺส นิสฺสคฺคิยํ ปาจิตฺติยํ ภควตา กตฺถ ปญฺญตฺตํฯ
วิสฺสชฺชนา – อาฬวิยํ ภนฺเต ปญฺญตฺตํฯ